Show menu
DD News Mizoram - Chanchinthar | 6 December 2023 | 6:30 PM
Profile Pic
52 Views   Added
HEADLINES:

1. Larsap Dr Hari Babu Kambhampati chuan Zoram People's Movement Leader Pu Lalduhoma chu Chief Minister atana a ruatna lehkha vawiin khan a pe.

2. Indian National Congress atanga MLA a tling awmchhun Lawngtlai West INC Candidate Pu C.Ngunlianchunga chuan ZPM-in sorkar tha tak, mipui banphak an din theih nan tawngtaipui turin mipui a sawm.

3. MNF Sr Vice President Pu Tawnluia chuan vawiin khan thuthar thehdarhtute kawmin Pu Zoramthanga'n Party President a nihna atanga banna thehluh chu MNF National Core Committee (NCC) chuan a pawm lo tih a sawi.

4. Lunglei district bawrhsap Pi Ramdinliani'n vawiin khan Lunglei dist.a boruak muanawm tak hnuaia Krismas leh Kumthar hman a nih theihna tur ngaihtuaha thukhawm chu a kaihruai.

5. Champhai District Jail-a tang mek Chingsianliani, Hnahlan khua chu vawiin khan Champhai District Court tual atangin a tlan chhuak.

6. Champhaia ‘Experiential Learning Centre (ELC)’ din tur chungchanga ngaihtuahin vawiin khan ELC Management Committee te chu an Chairman Champhai bawrhsap Pu James Lalrinchhana hoin an thukhawm.

7. Mizoram UPC ro relna sang Executive Committee thutkhawm chu General Hqrs. Conference Hall, Zonuamah vawiin atang khan tanin Kum 2024-2025 chhung atana Mizoram UPC Puipa General Superintendent leh General Secretary tur thlanna neih a ni.

8. President Droupadi Murmu chuan India leh Kenya te inthianthatna in kawng hrang hranga ram pahnihte inkungkaihna a tihchak thu a sawi.

9. Ram hruaitu lute'n vawiin Dr B R Ambedkar thih champha pualin Parliament House complex-a amah hriatrengna hmunah pangpar an dah.

10. Home Affairs Ministry chuan Indian Cybercrime Coordination Centre hmalakna kaltlangin internet hmanga mi bumna website 100 chuang a tihtawpsak.

11. Prime Minister Narendra Modi chuan Cyclone Michaung tleh avanga chhiatna hrang hrang thlenga nunna chante a tawrhpui thu a chhuah.

12. Bharatiya Janata Party (BJP) Member of Parliament (MP) 10 ten vawiin khan Lok Sabha member nihna atangin banna an thehlut.

13. Ram chhungah lungphu chawla thi zat nasa taka a pun avangin sorkar chuan Cardiopulmonary resuscitation (CPR) inzirtirna hun a buatsaih.

14. Union Communications & Electronics Minister Ashwini Vaishnaw chuan ramchhunga khaw nuai 6 sing 1 sang 6,300 chuangin mobile connection an neih thu a sawi.
Category
News
Tags
ddk aizawl, dd aizawl, ddk
profile pic

Comments

Be the first to comment